Məhkəmə MTRŞ-nın ANS-ə qarşı növbəti iddiasını təmin edib

Məhkəmə MTRŞ-nın ANS-ə qarşı növbəti iddiasını təmin edib
24 Dekabr 2016
Mətni dəyiş
Bu gün 1 saylı Bakı İnzibati-İqtisadi Məhkəməsində Milli Televiziya və Radio Şurası (MTRŞ) ilə “ANS Müstəqil Yayım və Media” Şirkəti arasında “Abşeron” serialının çəkilişi üçün ayrılmış dövlət vəsaitinin təyinatı üzrə xərclənmədiyi üçün qaytarılmasına dair şikayətlə bağlı növbəti iclas keçirilib.
Hakim Vüsalə Baxışovanın sədrliyi ilə keçirilən prosesdə məhkəmə baxışı yekunlaşdırılıb.
Məhkəmədə MTRŞ-nin iddiası təmin olunub. Qeyd edək ki, MTRŞ “ANS Müstəqil Yayım və Media Şirkəti”ni məhkəməyə verərək "Abşeron" adlı serialın çəkilməsi üçün ayrılan 160 min manat vəsaitin, 8 min manatlıq cərimənin dövlət büdcəsinə geri qaytarılmasını tələb edib. MTRŞ ANS TV-nin Şuraya "Abşeron" əvəzinə, "Sevgi naminə" adlı serial təqdim etdiyini bildirib. ANS də bundan qarşılıqlı şikayət verib.

Bənzər Xəbərlər

Yeniliklərdən xəbərdar olmaq üçün abunə olun