ABŞ Yaponiyanın Okinawa əyalətindəki hərbi bazasından 40 min hektarlıq sahəni Tokio hökumətinə mərasimlə təhvil verib. Minlərlə insan isə ABŞ-ın Okinawa-dakı varlığını tamamilə sonlandırması tələbiylə mitinq keçirib.

ABŞ ordusu Okinawa adasındakı bazalarını təşkil edən "Şimali Təhsil Sahəsi" bölgəsinin yarısına bərabər olan 40 min hektar ərazini Yaponiyaya qaytarıb.

Nago şəhərində keçirilən mərasimdə danışan ABŞ-ın Yaponiya səfiri Caroline Kennedy, 1972-ci ildən bu yana edilən ən böyük ərazi satışını iki ölkə əlaqələrində 'dönüş nöqtəsi' olaraq xarakterizə edib. Kennedy, "Təhvil prosesi Okinawa-dakı bazaları 20 faiz kiçildəcək və gələcək nəsillərin, Okinawa-nı ziyarət edənlərin bu təbiətdən faydalanmasını təmin edəcək", - deyə bildirib. Zəngin meşə örtüyü ilə örtülü olan sahədə, nadir quş cinsləri və çöl həyatı diqqət çəkir. Mərasimdə Yaponiya hökumət sözçüsü Yoşihide Suga da yer alıb.

ABŞ ordusunun torpaq qaytarılması qarşılığında Yapon hökuməti də baza yaxınlığında "Osprey" adlı çox məqsədli hava vasitələri üçün 6 eniş sahəsinin inşasına icazə verib.

Bölgədə yaşayanlar bu hava vasitələrinin yaratdığı qəzalar səbəbiylə təhlükəsizliklərini narahatlıq edərək, eniş sahəsinin inşasına qarşı çıxırdı. Torpaq qaytarılmasından sonra 1996-cı ildə tərəflər razılaşsa da, Osprey vasitələri üçün inşa ediləcək sahələrə istiqamətli etirazlar ekstradisiyanı gecikdirmişdi. Hazırda Takae kəndi yaxınlarındakı eniş sahələri ABŞ ordusu tərəfindən istifadə edilir.

ABŞ-ın Yaponiyadakı hərbi varlığına qarşı olması ilə tanına Okinawa icra başçısı Takeşi Onaga da mərasimə qatılmayıb, təxminən 4 min insanla birlikdə etiraz aksiyası keçirib.

Sakinlər, ABŞ bazalarının yaratdığı səs-küy və çirklilik ilə bərabər, ABŞ-lı əsgərlərin qarışdığı cinayət hadisələrindən şikayət edir.

Qeyd edək ki, ABŞ Yaponiya ilə təhlükəsizlik razılaşması çərçivəsində bu ölkədə 50 min əsgərini saxlayır. Bu əsgərlərin yarısından çoxu Okinawa-dakı bazalarda yaşayır.