Türkmənistanda prezident seçilmək üçün yaş senzi ləğv edilib və prezidentlik müddəti artırılıb.

Türkmənistanda prezident seçilmək üçün nəzərdə tutulan yaş senzi ləğv edilib, prezidentlik müddəti 5 ildən 7 ilə qaldırılıb.

Qeyd edək ki, bu məsələlər Türkmənistan parlamentinin qəbul etdiyi yeni Konstitusiyada öz əksini tapıb. Parlament yeni Konstitusiyanı sentyabrın 13-də yekdilliklə qəbul edib. Prezident Qurbanqulu Berdımuhəmmədov dərhal qanunu imzalayıb və sənəd qüvvəyə minib.

2008-ci ildə qəbul edilmiş köhnə Konstitusiyaya görə Türkmənistanda doğulmuş, bu ölkənin vətəndaşı olan, yaşı 40-dan 70-ə qədər şəxslər prezident seçilə bilərdi.

Artıq "yaşı 70-dən yuxarı olmayan" tələbi qanundan çıxarılıb.