Bu gün Natiq Cəfərli azadlığa buraxılıb. Bu barədə onun vəkili Cavad Cavadov açıqlama yayıb. 

Vəkil deyib ki, bu gün axşam saat 17 radələrində Nəsimi rayon məhkəməsinə dəvət edilib ve məlum olub ki, prokurorluq Cəfərli Natiqin həbsdən azad olunması barədə təqdimat verib:

"Məhkəmə təqdimata baxdı və onu həbsdən azad etdi. Müstəntiqin vəsatəti, prokurorluğun təqdimatı əsasında Nəsimi Rayon Məhkəməsi Cinayət Prosessual Məcəlləsinə əsasən həbs-qətimkan tədbiri ləğv olundu. Hər şey ani oldu və gözlənilməz. Cinayət işi davam edir, yəqin ki, sabah həbslə əlaqədar olmayan qətimkan tədbiri seçiləcək".