Azərbaycanda 400 minə yaxın insanda kəskin infeksiyaya yoluxma halı qeydə alınıb

Azərbaycanda 400 minə yaxın insanda kəskin infeksiyaya yoluxma halı qeydə alınıb
1 Sentyabr 2016
Mətni dəyiş
Ötən il Azərbaycanda 397 777 nəfərin qrip və yuxarı tənəffüs yollarının kəskin infeksiyasına yoluxması halı qeydə alınıb.
Dövlət Statistika Komitəsindən verilən məlumata görə, ötən il 14 306 nəfərdə ümumi kəskin bağırsaq infeksiyaları, 329 nəfərdə viruslu hepatitlər, 11 645 nəfərdə suçiçəyi, 329 nəfərdə salmonelyoz infeksiyaları, 311 nəfərdə qoturluq, 9 nəfərdə qarayara, 341 nəfərdə bruselyoz, 168 nəfərdə skarlatin qeydə alınıb.
Statistik məlumatlara əsasən, qeyd edilən bütün xəstəliklər üzrə xəstələnmə hallarının sayı 2014-cü ilə nisbətən azalsa da, qoturluq və bruselyozla xəstələnmə halları artıb.
2014-cü ildə 225, 2015-ci ildə 311 nəfərdə qoturluğa yoluxma halı, 2014-cü ildə 337, 2015-ci ildə isə 341 nəfərdə bruselyozla xəstələnmə halı qeydə alınıb.

Bənzər Xəbərlər

Yeniliklərdən xəbərdar olmaq üçün abunə olun