ATƏT-in Minsk Qrupunun həmsədr ölkələri Rusiya və Fransanın XİN rəhbərləri Sergey Lavrov və Jean-Marc Ayrault arasında telefon danışığı olub.

Nazirlər telefon danışığı ərzində Suriyadakı böhranı və Dağlıq Qarabağ münaqişəsinin nizamlanmasındakı vəziyyəti müzakirə ediblər.

Bu barədə Rusiya XİN-in mətbuat xidmətinin məlumatında bildirilir.

“Suriya mövzusu və Dağlıq Qarabağ nizamlanmasındakı vəziyyətə dair fikir mübadiləsi aparılıb”, - deyə nazirliyin yaydığı bəyanatda qeyd edilib.