PKK terror təşkilatı dünən Türkiyənin Artvin şəhərində CHP lideri Kemal Kılıçdaroğlunun avtomobil karvanına təşkil edilən hücum ilə bu gün Cizre bölgəsində 11 polisin şəhid olduğu, 75-i polis 78 nəfərin yaralandığı partlayışın məsuliyyətini öz üzərinə götürüb.

Terror təşkilatı, dünən Artvində baş verən olayda hədəflərinin Kılıçdaroğlu olmadığını açıqlayıb.

Məlumata görə, ərazidən keçən avtomobil karvanının hərbçilərə aid olduğu zənn edilərək silahlı hücum təşkil edilib.