İtaliyada çərşənbə günü baş vermiş güclü zəlzələ nəticəsində həyatını itirənlərin xatirəsinə milli matəm elan edilib.

Bu haqda ölkənin Nazirlər Kabinetindən məlumat verilib.

Rəsmi məlumatda bildirilir ki, sabah Askoli-Piçenoda ölənlərin dəfn mərasimi keçiriləcək.

Qeyd edək ki, avqustun 24-də yerli vaxtla 03.36-da baş vermiş ardıcıl iki zəlzələ (6.0 və 5.4 bal gücündə) nəticəsində 268 nəfər həyatını itirib.