Özbəkistan prezidenti İslam Karimov xəstəxanaya yerləşdirilib. Bu barədə Nazirlər Kabineti məlumat yayıb.

Hökumətin məlumatına görə, İslam Karimov “lazimi tibbi müalicə” almalıdır.

Amma avqustun 28-də yayılan məlumatdaİslam Karimovun xəstəxanaya düşməsinin səbəbi və orda nə qədər qalacağı barədə məlumat verilmir.

Karimovun ürək xəstəliyindən əziyyət çəkdiyi bildirilir. Ancaq hökumət açıqlamasında konkret xəstəlikdən bəhs etməyib.

AzadlıqRadiosunun rəsmi mənbələrdən aldığı məlumata görə, İslam Karimov bir neçə gündür ki, ağır xəstədir.

Onun sentyabrın 1-də Özbəkistanın müstəqilliyinin 25-ci ildönümü münasibətilə keçiriləcək mərasimdə iştirakı planlaşdırılıb.