Xəbər verdiyimiz kimi bu gün səhər saatlarında AXCP Xətai rayon Gənclər Komitəsinin sədri Fuad Əhmədli Dövlət Təhlükəsizlik Xidməti əməkdaşları tərəfindən həbs edilib. DTX əməkdaşları F.Əhmədlini yoldan oğurlayıblar və sonradan onun yaşadığı evə baxış keçiriblər. Onlar Fuad Əhmədlinin evində olan bütün kitabları götürüblər. Gənc fəalın atasının sözlərinə görə "Yasin necə oxunmalı" kitabı və Aziz Nesinin kitabları da götürülənlər arasında olub.
Günorta saatlarına doğru isə Suraxanı Rayon Polis İdarəsinin əməkdaşları AXCP Gənclər Komitəsinin Suraxanı rayonunun üzvü Qədim Bəkirovun yaşadığı evə gələrək, onun qardaşını girov götürüblər. Daha sonra isə Qədim Bəkirovun idarəyə gəlməsi tələb edilib. Bir neçə dəqiqə sonra hadisədən xəbərdar olan Q.Bəkirov polis idarəsinə gedib və indiyə qədər ondan heç bir məlumat yoxdur.
Hər iki AXCP üzvünün həbs edilməsi haqqında partiyanın Gənclər Komitəsi bəyanat yayaraq, hakimiyyəti repressiyalara son qoymağa çağırıb.
***
saat 18.20
AXCP Gәnclәr Komitәsi Xətai rayon Gənclər Komitəsinin sədri Fuad Əhmədli və Suraxanı şöbəsinin fәalı Qәdim Bәkirov polis tərəfindən saxlanılıb.
Hər iki fəal barədə hələ ki, heç bir məlumat verilmir.
