Bu gün İspaniya Superkubokunun qalibi müəyyən olub.

“Nou Camp” stadionunda baş tutan görüşdə “Barcelona” ilə “Sevilla” qarşılaşıb.

Matça sürətli başlayan katalonlar ilk hissədə Arda Turanın qolu ilə hesabda önə keçib. Rəqib komanda hissənin yekununa yaxın 11 metrlik cərimə zərbəsindən yararlana bilmədikdən sonra ev sahibləri daha da irəli atılıblar. Bunun nəticəsi kimi əvvəlcə Arda dublunu müəyyənləşdirib. Lionel Messi isə oyunda son nöqtəni qoyub: 3-0.

Komandalar arasındakı ilk görüşdə 2-0 hesablı qələbə qazanan "Barça" İspaniya Superkubokunun yeni sahibi olub.