25 İyul 2016
Mətni dəyiş
Türkiyənin Mardin şəhərində baş verən partlayış nəticəsində 3 polis əməkdaşı şəhid olub.
Hadisə Mardinin Qızıltəpə və Şanlıurfanın Viranşəhər qəsəbələri arasındakı Beynəlxalq İpək yolunda meydana gəlib. İlk əldə edilən məlumatlara görə terrorçular yola quraşdırdıqları partlayıcı qurğunu zirehli polis maşını keçərkən işə salıblar.
Mardin və ətraf bölgələrdən olay yerinə əlavə qüvvələr gətirilib. Terroristlərin axtarışı üçün əməliyyat başladılıb.